باب حل المشاكل العاطفيه

ايه رايكم يا جماعه ان كل منا يعرض اى مشكله عاطفيه تصادفه

ويتشارك كل اعضاء المنتدى ويتبادلون برايهم لحل المشكله

وطبعا مفيش حد منا مبيقبلوش مشاكل عاطفيه

وطبعا دى بتبقا حاجات خاصه او شخصيه شويه بس احنا اخوات

ومش هنتحرج من بعض

وبكدا نتعاون جميعنا لحل كل المشاكل ان شاء الله

ومتنسوش مش هنتحرج من بعض لان احنا اخواااااااااااات

انا بقة كنت بحب واحد بس للاسف مطلعش بيحبنى
اتعرفنا على بعض بطريقة صدفة لانى كنت باخد كورس كمبيوتر عرفته من السنتر اللى باخد فيه الكورس
اتكلمنا واتعرفنا ع بعض صارحنى انه معجب بيا بقة يستنانى دايما فمواعيد الكورس بتاعى
بصراحة كان مجنون اهبل
ذليته عشان يشوفنى برة السنتر اقابله وكنت طبعا بت جامدة علية فالاول مش مرنة اوى يعنى
كان مجنون لولو والله العظيم كنت بس موبايلى اقفله لما اصلى يتصل بعد مفتحه بثوانى وصوته يجيب اخر الشارع
هو اكبر منى بسنة انا عندى 22 وهو 23
فضلت معاه شهرين اجمل ايام الرومانسية
كنا بنتفق فى حاجات كتير بس مش كل حاجة
بس كان فى مشكلة هو موضوع الشغل وكان كلامه معايا اول مالشغل يجى يتكلم رسمى مع ماما وبابا
وفاغلب الوقت كان يسافر مع بباه وممته كنت اشوفه تقريبا 3 ايام فالاسبوع
ياااه على اول مرة مسكنا ايدين بعض حسيت بجد انى فالسما
ودايما كنت اقلله هستناك هعمل اى حاجة عشانك وكان فرحان اوى انى بقلله الكلام دة
قللى انه عرف بنات كتير قبلى لكنه محبش غير مرة فحياته وانا التانية
فجاة سافر شهر وكنت دايما على اتصال بيه بس فاخر اسبوع اتغير وكان ميردش عليا
فاول يوم امتحاناتى متصلش يطمن عليا طبعا زعلت اتصلت بيه اعاتبه لقيته بيقللى انا مش عايز اظلمك معايا اكتر من كدة انا معنتش الانسان اللى انتى عرفتيه الاول انا معنتش فدماغى غير مستقبلى
شوفى حاللك يا بنت الناس وخلينا صحاب
انا لسة بحبه لسة صورة معايا ورسايله اللى كنت بدوخ لما اقراها والفويس مسجس بسمعها عشان احس انه لسة قريب منى بجد انا مجنونة بيه لسة
ويا عالم انا هعمل اية فالنتيجة بتاعة الامتحانات
بجد انا بنام معيطة واصحى معيطة ومنهارة وحالتى وحشة بجد حد يقوللى اعمل اية

وعد ارجو الرد علي هذا الموضوع

بصراحة هو موقف مش كويس من الانسان اللى بتتكلمى عنة

وبعد المفروض تحمدى ربنا علشان عرفتية على حقيقتوا قبل ما يحصل حاجة غلط

والمفروض تكونى سعيدة انوا بان على حقيقتة ولو كان عايزك بجد كان كلم اهلك

انتى فى الاول وفى الاخر المفروض تحمدةى ربنا وتمحى كل الذكريات اللى بتفكرك بية

اللى بيحب مش ممكن يضحى بالسهولة دى وبالسذاجة دى

حاولى تشيلى كل ذكرياتوا من بالك خالص واخذفى المسج بتاعتوا وابدائى حياة جديدة

ودى وجهه نظرى[

وعد