بسم الله الرحمن الرحيم
بيقول ::.
انا اول مرة شوفت فيها حبيبتي كانت ماشيه مع بنت عمها في الشارع وبعدين انا حاولت اكلمها حاولت اتبادل معها بنظرات لكن هيا كانت سعات بتبادلني نفس النظرات وسعات (لا) وبعدين انا الحمد لله وبفضل ربنا طبعا جبت رقم تليفونها وجيت احاول اكلمها لكن هيا لم ترد عليا وبعدين لقيت بنت عمها بعتتلي رساله ( كلمني شكرا ) وبعدين انا كلمتها ولقيتها بتزعقلي وبتقولي معتش تتصل علي رقم بنت عمي لآني هروح اقول لمامتها واخليها تزعقلك قولتلها خلاص انا اسف وبعدين بقي انا كنت زعلان اوي لآنها كلمتني بأسلوب مش حلو شوية
وبعد كدا انا كنت مضايق اوي وبعدها كلمتها قولتلها انا اسف بس بجد انا بحبها اوي وبعدين قالتلي بنت عمي ملهاش في قصص الحب خالص وبعدين انا كلمت حبيبتي بعدها بيومين علي رقمها الخاص والحمد لله ردت عليا وكلمتها شوية وبرده لقيتها رافضه نهائي انها تكلمني وبتقولي خلينا اصحاب وبعدين حاولت اني اثبتلها ان حبي ليها مش لعب عيال او لعب اتنين في الجامعه بس برده مكنش في فايده في كلامي معها وبعدين كان كل يوم اتصل بيها بليل واعد اتكلم معاها وفي يوم اتصلت بيها وفي نص كلامي بقولها انتي حاسه بأيه وانا بكلمك قالتلي انا حاسه اني برتاح اتكلم معاك لكن انا بعملك زي اخواتي بالظبط وبعدين قولتلها علشان خاطري حاولي تجربي يعني ايه حب وصدقيني مش هتخسري حاجه وبعدين قالتلي اوك
وبعدين في يوم حصل موقف مش ظريف من واحده صحبتها كلمتها يوميها بليل بقولها ممكن اعرف انتي عايزاني ولا لاء قالتلي اة عايزاك من يوميها وانا كنت فرحان اوي وهيا بتقولي الكلمه دي وبعدين
وانا بكلمها في مرة بقولها ممكن اعرف انتي حاسه بأيه وانا بكلمك قالتلي حاسه برده انك زي اخويا
وبعدين يوميها اتسغربت جدا
وبعدين حصل النصيب وكلمتها تاني لآني بجد مكنتش اقدر ابعد عنها خالص وبعدين كلمتها تاني وقولتلها حاولي تفكري في الموضوع تاني قالتلي اوك وبعدين كلمتها قالتلي انا خايفه قولتلها علشان خاطري جربي ومتسمعيش لكلام حد ولا تمشي ورا كلام زمايلك قالتلي اوك وكنت من يوميها بكلمها يومياً وبعدين
طلبت منها اني اقابلها في يوم وفعلا قابلتها بس في الجامعه لآنها رافضه اني اقابلها بره الجامعه وفعلا حبيتها اكتر واكتر من ساعت ماقلتلي كدا
وبعدين
اعدت معاها عند الشجره المحروقه وطبعا محدش عارف الشجره المحروقه دي فين الا بنت عمها
وبعدين وانا اعد معاها بتقولي انتا عايز مني ايه قولتلها انا عايزك تفضلي جنبي علي طول قولتلها وانتي رأيك ايه قالتلي انا رأيي اننا نكون اصحاب قالتلي خلاص سيبني افكر في الموضوع وهرد عليك بليل ومتصلتش بليل وبعدين بجد انا زعلت منها اوي وبعدين مكلمتهاش لمده 4 ايام وبعدين مقدرتش ابعد اكتر من كدا وكلمتها وفي وسط كلامي بقولها ممكن اعرف فكرتي في الموضوع ولا لاء قالتلي اة قولتلها وفكرتي في ايه قالتلي خلاص انا موافقه وكان يوم سعدي وهنايا
وبعدين في يوم بعتتلي رساله مع واحده بتقولي خلينا اصحاب ومن يوميها وانا شايل هموم الدنيا كلها علي راسي بس مش بحاول ابينلها اي حاجه وفي الفتره الاخيره ارتبطت ب بنت عمها بس ارتباط اخوي يعني كنت بكلمها واعد معاها شوية وفعلا انا حسيت من يوميها ان بنت عمها دي اختي فعلا وحبيتها اوي اوي بس كأخت وطبعا عمر مايكون حبي لبنت عمها زي حبي لحبيبتي وبعدين انا فكرت اني اعملها كليب عباره عن صور واغنية كدا والصور شغاله والحمد لله عجبني شخصياً وبعدين بعد عناء لمده يومين من غير نوم بسبب الكليبين والحمد لله عملتهم وبعدين نزلت اشتريت دبله فضه وكتبت عليها اسم حبيبتي و حطيت كول تون جميل اوي بس حزين لهيثم سعيد بإسم ( متأكده) وبعدين لقيتها بتتصل بيا بعديها بشوية بحسبها هتقولي الكول تون حلو تعرفوا لقيتها بتقولي ايه بعد السلام بتقولي بنت عمي عايزه مذكرات علشان تزاكر فيها (ههههههه) علشان بنت عمها معايا في(.....) وبعدين قالتلي عايز حاجه قولتلها عايز اسألك سؤال قالتلي اتفضل قولتلها ( حسيتي بأيه ساعت ماشوفتي الكليبين اللي عملهوملك ) قالتلي (.....)وبعدين سألتها سؤال تاني ( قولتلها حسيتي بأيه ساعت ماسمعتي الكول تون ) قالتلي رد(......)
بس مينفعش اقوله علشان انا هدي لينك الصفحه لصحبتها علشان توريهولها وتعرف اد ايه اني بحبها حتي لو عملت معايا ايه وبعدين بعدها بيومين بتتصل بيا وبتقولي نفس السؤال اللي انا سألتهولها قبل كدا وهوا( انتا عايزني ولا لآ) طبعا من غير تفكير قولتلها اة وبعدين كلمتها عادي خالص وكان الموضوع ماشي زي الفل وبعدين بكلمها في يوم بعد الامتحان بتاعها بقولها عملتي ايه قالتلي الحمد لله وبعدين بقولها طيب ممكن اشوفم قبل اما تروحي قالتلي لاء مينفعش فزعلت منها من يوميها وبعدين كلمتها بعدها بيومين كدا فبقولها ممكن اعرف انا احط في دماغي اني بحبك ولا لاء قالتلي بصراحه انا لسا معتبراك زي اخويا ومن يوميها وانا قلب مكسور جدا جدا جدا جدا......
ياتري موضوع الشاب عجبكم
الجمعة سبتمبر 12, 2008 2:23 am
